ନାବାଳିକା ସହ ଜୋରଜବରଦସ୍ତ ଯୌନ ସମ୍ପର୍କ ରଖିବା ଅଭିଯୋଗରେ ଜଣେ ଗିରଫ

ପୁରୀ, ଚକ୍ରତୀର୍ଥ ରୋଡ ସ୍ଥିତ ଏକ ହୋଟେଲ ରୁମରେ ଜଣେ ନାବାଳିକା ସହ ଜୋରଜବରଦସ୍ତ ଯୌନ ସମ୍ପର୍କ ରଖିବା ଅଭିଯୋଗରେ କୁମ୍ଭାରପଡା ଥାନା ପୁଲିସ ଜଣକୁ ଗିରଫ କରି କୋର୍ଟ ଚାଲାଣ କରିଛି l ଅଭିଯୁକ୍ତ ଜଣକ ନରେନ୍ଦ୍ରକୋଣ ମଙ୍ଗଳାସାହିର ଗୁଡୁ ଓରଫ ସୁନୀଲ ନାୟକ ୨୮ l ପୁଲିସ ସୂତ୍ରରୁ ଜଣାଯାଇଛି ଯେ ଜଣେ ନାବାଳିକା ମାର୍କେଟ ଛକ ନିକଟ ଚୂଡ଼ାପଟି ରାସ୍ତାରେ ଚାଲିକରି ଆସୁଥିବା ବେଳେ ଅଭିଯୁକ୍ତ ବାଇକ ଯୋଗେ ନାବାଳିକାକୁ ବସାଇ ଚକ୍ରତୀର୍ଥ ରୋଡ ସ୍ଥିତ ଏକ ହୋଟେଲକୁ ନେଇଥିଲା l ଗତ ୨୨ତାରିଖ ପୂର୍ବାହ୍ନରୁ ଗତ ୨୩ ତାରିଖ ସକାଳ ୬ଟା ପର୍ଯ୍ୟନ୍ତ ନାବାଳିକା ହୋଟେଲ ରୁମରେ ରହିଥିଲା l ତାର ଇଛା ବିରୁଦ୍ଧରେ ଅଭିଯୁକ୍ତ ଜୋରଜବରଦସ୍ତ ଯୌନ ସମ୍ପର୍କ ରଖିଥିଲା l ନାବାଳିକା ଜଣକ ତାର ଜେଜେ ମା କୁ ଏସମ୍ପର୍କରେ ଜଣାଇବା ପରେ ଥାନାରେ ଅଭିଯୋଗ ହୋଇଥିଲା l ପରେ ଅଭିଯୁକ୍ତକୁ ଗିରଫ କରାଯାଇ ଓଡି ୧୩ଯେ ୪୭୯୨ ନମ୍ବର ବିଶିଷ୍ଟ ବାଇକ ଜବତ କରାଯାଇଥିଲା l ୪୪୮/୨୦୨୫ ନମ୍ବର ମାମଲା ରୁଜୁ କରାଯାଇ ବୁଧବାର କୋର୍ଟ ଚାଲାଣ କରାଯାଇଥିଲା l