ଜେଲ ହାଜତକୁ ଗଲା ମାରଣାସ୍ତ୍ର ଧରି ଆତଙ୍କ ଖେଳାଇ ଦାଦାବଟି ମାଗିଥିବା ଗିରଳ ଗ୍ରାମର ସୁଶାନ୍ତ ଜେନା

ଗିରଳ ଗ୍ରାମରେ ମାରଣାସ୍ତ୍ର ଧରି ଆତଙ୍କ ଖେଳାଇବା, ଦାଦାବଟି ମାଗି ଚୋରି କରିବା ଆଦି ମାମଲାରେ ସଦର ଥାନା ଦ୍ୱାରା ଜଣେ ଗିରଫ ସହ କୋର୍ଟ ଚାଲାଣ l ଅଭିଯୁକ୍ତ ଜଣକ ଗିରଳ ଗ୍ରାମର ସୁଶାନ୍ତ ଜେନା 28 l ଅଭିଯୁକ୍ତ ନିକଟରୁ ଏକ କଟୁରୀ ଜବତ କରାଯାଇଛି l ଅଭିଯୁକ୍ତ ସୁଶାନ୍ତ ଗିରଳ ଗ୍ରାମର ରୁଦ୍ର ପ୍ରସାଦ ସିଂହଙ୍କୁ ଧମକ ଦେଇ ଦାଦାବଟି ମାଗି ତାଙ୍କ ବାଡିରୁ ମୋଟର ପମ୍ପ ଚୋରି କରିଥିଲା l ଏଥିସହ ମାରଣାସ୍ତ୍ର ଧରି ଆତଙ୍କ ଖେଳାଇଥିଲା l ଏନେଇ ଶ୍ରୀ ସିଂହ ସଦର ଥାନାରେ ଅଭିଯୋଗ କରିଥିଲେ l ଥାନାରେ 247/2025 ନମ୍ବର ମାମଲା ରୁଜୁ କରାଯାଇ ଅଭିଯୁକ୍ତ ସୁଶାନ୍ତକୁ ଗିରଫ କରାଯାଇ ଆଜି ଅପରାହ୍ନ 5ଟାରେ କୋର୍ଟ ଚାଲାଣ କରାଯାଇଥିଲା l ଜାମିନ ନାମଞ୍ଜୁର ହେବାରୁ ଜେଲ ହାଜତକୁ ପଠାଇ ଦିଆଯାଇଥିବା ନେଇ ଜଣାଯାଇଛି l