ଦେଶୀମଦ କାରବାର ଅଭିଯୋଗରେ ଜଣେ ଗିରଫ

ପୁରୀ, ୨୭/୧୨ : ନବକଳେବର ରୋଡ ନୁଆସାହିରେ ସର୍ବସାଧାରଣରେ ଦେଶୀମଦ କାରବାର କରିବା ଅଭିଯୋଗରେ ତାଳବଣିଆ ଥାନା ପୁଲିସ ଜଣକୁ ଗିରଫ କରି କୋର୍ଟ ଚାଲାଣ କରିଛି l ଅଭିଯୁକ୍ତ ନିକଟରୁ ୧୪ଲିଟର ଦେଶୀମଦ ଜବତ କରିଛି ପୁଲିସ l ଅଭିଯୁକ୍ତ ଜଣକ ନବକଳେବର ରୋଡ ନୁଆସାହିର ବାବୁଲି ଭୋଇ ୪୩ l ଅଭିଯୁକ୍ତ ଦେଶୀମଦ କାରବାର କରୁଥିବା ନେଇ ପାଟ୍ରୋଲିଙ୍ଗ ବେଳେ ପୁଲିସ ବିଶେଷ ସୂତ୍ରରୁ ଜଣିବାକୁ ପାଇଥିଲା l ପୁଲିସ ଉକ୍ତ ସ୍ଥାନରେ ଚଢ଼ାଉ କରି ଅଭିଯୁକ୍ତକୁ ଗିରଫ କରିବା ସହ ଦେଶୀମଦ ଜବତ କରିଥିଲା l ଓଡିଶା ଅବକାରୀ ଆକ୍ଟରେ ୨୮୧/୨୦୨୫ ନମ୍ବର ମାମଲା ରୁଜୁ କରାଯାଇ ଅଭିଯୁକ୍ତକୁ ଶନିବାର କୋର୍ଟ ଚାଲାଣ କରାଯାଇଥିଲା l