ବ୍ରାଉନସୁଗାର ଜବତ, ୨ ଗିରଫ

ପୁରୀ, ୨୩/୩ : ବ୍ରାଉନସୁଗାର କାରବାର ଅଭିଯୋଗରେ ବଳିଆପଣ୍ଡା ଥାନା ପୁଲିସ ୨ ଜଣକୁ ଗିରଫ କରିବା ସହ କୋର୍ଟ ଚାଲାଣ କରିଛି l ଅଭିଯୁକ୍ତ ଦ୍ବୟ ହେଲେ ଦାମୋଦର ରୋଡ ହରଚଣ୍ଡୀ ଲେନର ବଳି ଓରଫ ବଳଭଦ୍ର ଜେନା ୨୨ ଓ ଗୌଡ଼ବାଡ଼ ସାହି ଜମ୍ବେଶ୍ୱର ମନ୍ଦିର ନିକଟର ଲିପୁ ଓରଫ ବଳଭଦ୍ର ମହାନ୍ତି ୩୫ l ଅଭିଯୁକ୍ତଙ୍କ ନିକଟରୁ ୧୨. ୫ ଗ୍ରାମ ବ୍ରାଉନ ସୁଗାର, ଓଡି ୧୩ଡବ୍ଲୁ ୭୯୨୬ ନମ୍ବର ବିଶିଷ୍ଟ ବାଇକ, ୨ଟି ମୋବାଇଲ ଓ ୫୫୦ ଟଙ୍କା ଜବତ କରାଯାଇଛି l ଷ୍ଟ୍ରଲିଂ ଛକ ନିକଟରେ ଅଭିଯୁକ୍ତ ଦ୍ବୟ ବ୍ରାଉନ ସୁଗାର କାରବାର ବେଳେ ବଳିଆପଣ୍ଡା ଥାନା ପୁଲିସ ଅଭିଯୁକ୍ତ ଦ୍ବୟକୁ ମାଡି ବସିଥିଲେ l ପରେ ଏନଡିପିଏସ ଆକ୍ଟରେ ୭୩/୨୦୨୬ ନମ୍ବର ମାମଲା ରୁଜୁ କରାଯାଇ ଅଭିଯୁକ୍ତ ଦ୍ବୟକୁ ସୋମବାର କୋର୍ଟ ଚାଲାଣ କରାଯାଇଥିଲା l